1B1.4.16

page 531

2

DOMINICA VII POST PENTECOSTEN

3    Amen, dico uobis, nisi abundauerit, et reliqua.
4Matheus se godspellere, þe wæs mid Criste on life, and his
5lare gehyrde, on his hirede wuniende, he
6awrat be Criste þæt he gecwæð hwilon þus to his halgum
7apostolum, and þurh hy eac to us: Soð ic eow secge, þæt
8ge sylfe ne becumað into heofonan rice, butan eower rihtwisnys
9beo eallunga mare ætforan minum Fæder þonne þæra bocera
10is and ðæra Sunderhalgena.
11Ge gehyrdon þa bebodu þe God bebead gefyrn þam ealdan
12Israhele under Moyses lage, and hym þus sæde:
13Ne ofsleh þu mannan;

page 532

14and se ðe man ofslihð, se bið domes scyldig.
15Ic secge eow to soðan þæt se bið domes scyldig, se ðe nu
16yrsað wið his agenne broðor.
17Se ðe him hosp gecwyð, se bið þeahtes scyldig, and se ðe
18hine hæt stuntne, se bið wites scyldig on þam
19witnigendlican fyre þære toweardan worulde, buton he
20ðone gylt gebete on his life.
21Gif ðu geoffrast Gode ænige lac æt his weofode, and þu
22þonne geþencst þæt þin broðor hæfð sum þing
23ongean þe, gesete þine lac ætforan þam weofode, and fær
24ðe ærest hraðe to þinum agnum breðer, and hine geglada;
25and þonne þu eft cymst, geoffra þine lac.
26þis godspel is nu gesæd sceortlice eow þus; and we secgað
27eow þæt sume men wendon þæt seo ealde æ on Moyses timan
28wære miccle stiðre mannum to gehealdenne þonne Cristes
29boboda, þe he gecwæð him sylf on ðære niwan lage æfter
30his tocyme, under Godes gife, on ðæs godspelles timan,
31swa swa we healdan sceolon gif we hyrað Gode; ac hy magon
32gehyran her on ðisum godspelle þæt Cristes beboda, þe he
33bebead mannum, syndon miccle maran þonne Moyses lagu; and we
34sceolon liðian and ure lif awendan to ðæs Hælendes bebodum,
35gif we habban wyllað þa micclan myrhðe mid him, swa swa he
36us behet.
37We ne magon libban on ðisum life nateshwon, þæt we ne
38agylton wið God and wið men on worde and on weorce; ac we
39sceolon symble

page 533

40to Gode gecyrran and his mildsunge biddan; for ðon þe he is
41gearu, gif we hine biddað mid inneweardre heortan, þæt he
42us mildsige; and him is miccle leofre ures lifes rihting
43þonne ænig oðer sceat, gif we geswicað yfeles.
44ælce dæg we syngiað, and ælce dæg we sceolon urne Hælend
45gladian mid sumre godnysse, se ðe æfre wile us mannum
46mildsian; and he nyle naht eaðe þæs synfullan deað, ac he
47swyðor wyle þæt he gecyrre and lybbe; and se ðe bote
48underfehð, and he beo syððan hræðe þæs of life, he
49sceal to reste gewiss, for þon þe he gecyrde fram his
50synnum to Gode.
51Se Hælend us sæde, swa swa ge gehyrdon ær, Soð ic eow
52secge, þæt ge sylfe ne becumað into heofonan
53rice, buton eower rihtwisnys beo eallunga mare ætforan minum
54Fæder þonne þæra bocera is and ðæra Sunderhalgena.
55þa boceras syndon and þa Sundorhalgan þa ealdan witan, þe
56wæron gefyrn, under Moyses lage, swa micclum gelærede þæt
57hy ða ealdan æ on heora wisan cuðon; ac hy ne heoldon
58swaþeah þa halgan Godes æ swa wel swa hy sceoldon.
59þa cidde hym se Hælend swiðe oftrædlice, for ðan þe hy
60ne heoldon þa halgan beboda swa swa God sylf
61hym bebead;

page 534

62ac hy woldon hym sylfe þæt hy halige wæron,
63and wæron swaþeah misworohte wiðinnan.
64þa sæde se Hælend, þe geseah heora heortan, swiðe
65egeslice word, hym þus cidende: Uos iustificatis
66uos coram hominibus; Deus, autem, nouit corda uestra : Ge
67tellað eow rihtwise on manna gesihþum, ac God soðlice cann
68swaðeah eowere heortan; ge synd swa swa byrgenu þe beoð
69wiðutan agrafene mid ofergeweorcum, swiðe wel amette,
70and syndon afyllede mid forrotodnysse; and ge swaþeah lufiað
71hlisan and herunge.
72Hym wæs beboden, on heora gehealdsumnyssum on Moyses lage,
73þæt hy moston lufian heora agene frynd,
74and hatian heora fynd; ac us bead se Hælend, her on ðysum
75life, þæt we lufian sceolon symble, butan hiwunge, ure
76agene freond, and ælcne Cristene man, and eac for Godes
77lufan lufian ure fynd, þæt ure rihtwisnys beo mare þonne
78heora, we ðe habban sceolon þæt heofonlice lif, gif we
79gehyrsume beoð Godes hæsum mid weorcum.
80Hym wæs beboden þæt hy ne hæmdon unrihtlice

page 535

81wið oþra manna wif; ac us sæde Crist þus: Omnis qui
82uiderit mulierem ad concupiscendum eam iam mechatus est eam
83in corde suo ; þæt is on Englisc, ælc man
84þe sceawað wifman mid luste, þæt he hy habban wolde,
85þæt him witodlice bið þæt forliger gefremod on his
86agenre heortan þurh þone unlust, þæt he hire gewilnode.
87We secgað swaðeah þæt si eaðre to betenne þa yfelan
88geþohtas þonne þa yfelan dæda , gyf
89man þone yfelan willan awent to beteran.
90Hy teoðodon heora wyrta, and wolice forleton þa maran beboda
91þe Moyses bebead on þære halgan Godes æ hym to gehealdenne.
92Nu sceole we healdan swa þa læssan beboda, þæt we ða
93maran eac mid weorcum gefyllan.
94Hy tæhton mid wordum, swa swa hit awriten is, Godes lare
95mannum, and forleton þa weorc; ac se biþ mære lareow,
96swa swa se Hælend sæde, se þe him sylf gedeð, and he
97syððan swa tæcð, and onginneð þa bysne on him sylfum
98ærest.

page 536

99Hym wæs behaten, gif hy heoldon Godes æ, eorðlice wæstmas,
100and Crist witodlice behet þæt ece lif þam þe his word
101healdað, þæt þe mannes eage ne mihte geseon, ne eare
102gehyran, ne heorte asmeagan, þa micclan mærðe þe se
103mildheorta Crist þam eallum behet þe hine lufiað;
104and þærtoeacan he forgifð us ure neode.
105Nu mote we habban maran rihtwisnysse, nu us synd behatene þa
106heofonlican speda, þæt we moton sona
107siþian to Criste on urum forðsiþe, gif we ær mid wærscipe
108ure synna gebetað sylfwilles on life.
109Ge gehyrdon þa bebodu þe God bebead gefyrn þam ealdan
110Israhele under Moyses lage, and hym þus sæde:
111Ne ofslih ðu mannan; and se ðe man ofslihð, se bið
112domes scyldig.
113Ic secge eow to soþan þæt se bið domes scyldig, se ðe nu
114yrsað wið his agenne broðor.
115On ðam dome man toscæt hwilc his scyld wære, and oft he
116bið unscyldig on ðam dome getæht, se ðe ær
117wæs geteald þæt he scyldig wære; and man mæg gegladian
118mid godum willan

page 537

119þa færlican yrsunge, and forfon mid wisdome,
120eað þonne he gebete gif he bið ofslagen.
121To ægþer þæra þinga, þæt is yrre and mansliht, gæð se
122rihta dom; ac hit bið swaþeah leohtre on bote on ðam
123lybbendan men, þeah þe he yrsige, and hit eft gehæle, swa
124swa þis godspell on æfteweardan sægð, þæt we magon
125gegladian þone þe we ær abulgon.
126Se þe his breþer hosp gecwyð, se bið þeahtes scyldig.
127Her syndon nu twa þing, þæt yrre and se hosp, and þær
128gæð geþeaht to þam twam þingum, þæt man mid geþeahte
129secge him his wite, hwæt he sylf þrowige for ðam twam
130þingum; ac swaþeah hwilon swa scyldig man ætwint,
131be ðam þe se trahtnere us sægð on Leden.
132And se ðe hine hæt stuntne, se bið wites scyldig on ðam
133witnigendlican fyre þære toweardan worulde.
134Her syndon nu þreo þing, and forþig mare wite: þæt yrre
135and se hosp, and eac teonræden; and þas þing sceolon,
136swa swa us sægð seo boc, on ðam toweardan wite
137beon afeormode, buton se man hy sylfwilles gebete.
138Micele maran gyltas man mæg gebetan her on þisum life, and
139þone Hælend gegladian,

page 538

140þæt he ne þurfe þrowian on ðam toweardan life.
141God cwæð þurh his witegan þæt he wolde mildsian ælcum
142men þe gecyrð fram his synnum to him, þam þe
143mid geomerunge gewyrcð dædbote, and his synna ne
144beoð syþþan on gemynde.
145Lareowas sceolon læran and styran, and witan sceolon þreagan
146þa ðwyran and þa stuntan, ægþer ge mid wordum ge mid
147weorcum hwilon, swa swa Crist sylf dyde, þe cidde þam
148Iudeiscum for heora gedwyldum and dyrstigan anginne.
149Paulus se Apostol on his pistole cwæð þus: Argue,
150obsecra , increpa, in omni patientia et doctrina : þrea
151ðu and bide, cid mid geðylde, on ealre lare to
152lifes bebodum.
153Gif hwa nu þurh steore sum styrne word gecwyð to his
154underþeoddum for heora stuntnysse, ne bið na þæt gelic
155þam unþeawfæstan men, þe for his receleaste
156misræceð oðerne, for nanre steore, ac for stuntnesse.

page 539

157We sceolon us gebletsian and abiddan æt Gode þat he us
158gehealde, and urne muð þurhhlynne , swa swa
159se witega bæd, þysum wordum cweðende: Pone, Domine,
160custodiam ori meo, et hostium circumstantie labiis meis :
161Sete þu, leof Drihten, minum muðe hyrdrædene,
162and duru minum welerum, þinre wearde abutan.
163Duru he abæd, þæt he fordyttan mihte þa idelan spræca,
164and undon his muð to wisdomes spræcum, and to wurðianne
165God, swa swa man belycð and geopenað þa duru.
166Vton nu gehyran þæs Hælendes læcedom, hu we magon gehælan
167her on ðisum life ure yfelan word wið ðone þe we
168gegremodon.
169Gif ðu geoffrast Gode ænige lac æt his weofode, and þu
170þonne geðencst þæt þin broðor hæfð sum ðing
171ongean þe, gesete þine lac ætforan þam weofode, and far
172þe ærest raðe to þinum agenum breðer, and hine geglada;
173and þonne þu eft cymst, geoffra þine lac.
174Se Hælend cwæð eft on sumere oðre stowe, þonne ge sylfe
175standað on eowrum gebedum, forgifað þonne on eowrum heortum
176eallum oðrum mannum þe wið eow agyltað þæt se Heofonlica
177Fæder eowre synna forgife; and butan ge forgifon, ne forgifð
178he na eow.

page 540

179þonne hæfð ure broðor sum þing ongean us, gif we him
180deredon oððe gedydon unðanc; þonne sceole we don be ures
181Drihtnes lare, gegladian urne broðor mid goodum ingehyde,
182þone Cristenan man, butan ælcere hiwunge, þæt God sylf
183underfo glædlice ure lac, se ðe nele underfon nan þing
184ær æt us, ær we habban sibbe on soðfæstum mode.
185Gif us ænig man derað oððe gedeð unþanc, þæt we
186sceolon forgifan, swa swa se Hælend sæde, þæt us ure synna
187syððan beon forgifene.
188Vre lac syndon þe we offriað Gode ure halgan gebedu, and
189þæt we gehelpon þam earmum mid urum ælmessum, and ælc
190þing þe we doð urum Drihtne to lofe; þa beoð ealle Godes
191lac, and we mid godum willan þa sceolon geoffrian, þæt
192hy andfenge beon, and Gode licwyrðe, þe lufiað æfre sibbe,
193and he mid smyltnysse symble demð eallum.

page 541

194Be ðam sang se sealmwyrhta, þus secgende him to: Adiutor
195meus, tibi sallam, et cetera ; þæt is on Engliscre spræce,
196þu eart min gefylsta; þe sylfum ic singe; þu eart min
197onfond, min agen soð God, and min mildheortnys.
198He het hine mildheortnys, for ðan þe he milde is, and he on
199manega wisan þam mannum gehylpð þe mid
200anrædnysse to him æfre hopiað.
201þam is wuldor and wurðmynt a to worulde, AMEN.